Azərbaycan Milli İncəsənət Muzeyi və Belarus Respublikasının “Nesvij” Milli Tarix-Mədəniyyət Muzey-Qoruğu arasında əməkdaşlıq haqqında Anlaşma Memorandumu imzalanıb. Memorandum özündə hər iki muzey arasında mədəni əməkdaşlığın genişləndirilməsi, birgə elmi-tədqiqat işlərinin, təcrübə və bilik mübadiləsinin aparılması, sərgilərin, konfrans və elmi seminarların keçirilməsi kimi məsələləri ehtiva edir.

Anlaşma Memorandumunu Azərbaycan Milli İncəsənət Muzeyinin direktoru Şirin Məlikova və “Nesvij” Milli Tarix-Mədəniyyət Muzey-Qoruğunun direktoru Dimitri Yaşenko imzalayıblar.